1. Adventssonntag, 23.11.2022

Oa Kerzerl scheint am Kranz –

Mahnt, dass s`kimmt, de Weihnachtszeit;

´s Liacht dringt nei in d`Dunkelheit

- matt is no sei Glanz!

(Annemarie Köllerer)

Griaß Di,

wia schee, dass wir heuer wieder ois machen kennan, wia mia des gwohnt san.

Zsamm sitzen mit der ganzen Familie, übern Christkindlmarkt geh, im Adventsinga sitzn, in der Stubn mitanand auf`n Nikolaus wartn, Liachterl schaun und no vui, vui mehr.

Lang hab i ned überlegn müssn, ob i a heuer wieder an Adventskalender schreib – aber a bisserl anders wia de letztn zwoa Jahr wird`s sei. Du kannst jeden Tag auf meiner Seitn as neue „Türl“ lesen – i verschick nimmer jeden Tag a Advents-Brieferl per eMail. Des kommt nur no ab und zu.

Ab 01. Dezember kannst einfach hier „Adventskalender“ drauf drucken und des erste „Türl“ lesen.

Jetzt wünsch i Dir an bsonder scheena, besinnlichen ersten Advent und, dass Du, so wia i, heid mit Freind und Familie zsamm kemma kannst!

Deine Evi

© Copyright 2022  Frauenbewegung Eggstätt e.V.

Kontakt
Impressum | Datenschutzerklärung | Anmelden